الأحد، 15 مارس 2015

الصّمت من ذهب ح 42 إذاعة صفاقس

أحلى سلام لأحلى مستمعين ،،، أهلا و سهلا بيكم أحبابنا في موعد جديد و عنوان جديد من كلمة الأحد ...و موضوعنا اليوم : إذا الكلام من فضّة فيكون السّكات من ذهب من أشهر الحكم و الأقوال اللّي تعوّدنا على سماعها ، حكمة ( إذا الكلام من فضّة يكون السّكات من ذهب ) ، و ها الحكمة تبيّن و توضّح و تأكّد زادة على قدّاش للصّمت من إيجابيّات و أهميّة كبيرة في بعض المواقف ،،،و بعض الأحوال .. في الحقيقة ثمّة برشا فوايد للصّمت.. و هاكا علاش نلقاوْا الحكماء و النّاس العاقلة ...غالبا .. يميلوا للصّمت ، خصوصا إذا كثر الهرج و المرج و طغى التخلويض و القيل و القال ،، زادة بالموازاة و في نفس التوجّه ثمّة حكم أخرى و أقوال أخرى تقالت أيضا في استحسان قلّة الكلام ....و انتقاء الألفاظ ...و كيفيّة معاملة النّاس ....و انتهاج سلوكات إجتماعيّة صحيحة و قويمة ،،،، كيما : - لا تتعوّد على استخدام كلمات كبيرة لوصف أمور صغيرة ،، وقت اللي توصف حاجة و إلاّ تنقل خبر... و إلاّ تعبّر على موقف خوذ الأمور كيف ماهية ،،، ماتهوّلهاش و ما تستعملش كلام وإلاّ ألفاظ أكثر مللّي يلزم ... - العقول لا تُقاس بالأعمار ،، لأنّو ...قدّاش من صغير عقلو بارع و قدّاش من كبير عقلو فارغ ...و يوجد في النّهر ما لا يوجد في البحر ... - إيّاك أن تضرب عنقك بلسانك ، فمصرع الرّجل بين فكّيه ،، قدّاش من كلمة ودّات عباد في داهية و قدّاش من كلمة شعّلت نيران و خلّفت حروب .... و الكلام كيف الدّواء..... كان إنت استعملتو قدرالمطلوب ينفع... و كان كثّرت منّو يضرّ.. و الكلمة كيف السّهم إذا خرج من القوس ما عادش يرجع ... - ربّ سكوت أبلغ من كلام ، ،، والشاعر العربي قال ( نحن سكوت و الهوى يتكلّم ) و عثرة القدم... أسلم من عثرة اللسان ...هذا طبعا مع ناس تفهم ع الرّمشْ... و الحقيقة هوما شويّا .و الحرّ من غمزة أما البهيم حاشاكم من همزة ... - و الصّمت قالوا عليه العارفين أنّو (العلم الأصعب من علم الكلام)) ،،، يصعب أحيانا تفسيره ،، ثمّة في الدّنيا آشكون هو ديما صامت لكن يقول برشا حوايج كذلك الصّمت في أوقات يكون أحسن جواب لبعض الأسئلة .....خصوصا للمتطفّلين على الأمور الشّخصيّة واللي يحبّوا يعرفوا البسباس و آشكون غرسوا . لكـــــــن نردّوا بالنا و نميّزوا ...على خاطر الصّمت يولّي في أوقات معيّنة حاجة سلبيّة ،،،و حاجة ضارّة .. كيف ما وقْت تصمت على المنكرات ، كيف تصمت على الظلم ،، كيف تصمت على الحقّ ،،،و إلاّ تكتم شهادة ،، و السّاكت على الحق – الله يعافينا – شيطان أخرس – و عقابو عند الخالق كبير .... مستمعينا مستمعانا ، الله يهدينا للخير و الصّلاح و دمتم بخير ... ~~~~~ منجي بـــاكير ~~~~ *** الموضوع باللّهجة التونسيّة كلّ لفظة أشكلت على أحبّاء الزمن الجميل فضلا راسلونا على نموذج الإتّصال الموجود في الصفحة الرئيسيّة تقديري
 الصّمت من ذهب ح 42 إذاعة صفاقس

أحلى سلام لأحلى مستمعين ،،، أهلا و سهلا بيكم أحبابنا في موعد جديد و عنوان جديد من كلمة الأحد ...و موضوعنا اليوم :

إذا الكلام من فضّة فيكون السّكات من ذهب

من أشهر الحكم و الأقوال اللّي تعوّدنا على سماعها ، حكمة ( إذا الكلام من فضّة يكون السّكات من ذهب ) ، و ها الحكمة تبيّن و توضّح و تأكّد زادة على قدّاش للصّمت من إيجابيّات و أهميّة كبيرة  في بعض المواقف ،،،و بعض الأحوال ..
 في الحقيقة ثمّة برشا فوايد للصّمت.. و هاكا علاش نلقاوْا الحكماء و النّاس العاقلة ...غالبا .. يميلوا للصّمت ، خصوصا إذا كثر الهرج و المرج و طغى التخلويض و القيل و القال ،، زادة بالموازاة و في نفس التوجّه ثمّة  حكم أخرى و أقوال أخرى تقالت أيضا في استحسان قلّة الكلام ....و انتقاء الألفاظ  ...و كيفيّة معاملة النّاس ....و انتهاج سلوكات إجتماعيّة صحيحة و قويمة ،،،،  كيما :
-  لا تتعوّد على استخدام كلمات كبيرة لوصف أمور صغيرة ،، وقت اللي توصف حاجة و إلاّ تنقل خبر... و إلاّ تعبّر على موقف خوذ الأمور كيف ماهية ،،،  ماتهوّلهاش و ما تستعملش كلام وإلاّ  ألفاظ أكثر مللّي يلزم ...
- العقول لا تُقاس  بالأعمار ،،  لأنّو ...قدّاش  من صغير عقلو بارع و قدّاش من كبير عقلو فارغ ...و يوجد في النّهر ما لا يوجد في البحر ...
- إيّاك أن تضرب عنقك بلسانك ، فمصرع الرّجل بين فكّيه ،، قدّاش من كلمة ودّات عباد في داهية و قدّاش من كلمة شعّلت نيران و خلّفت حروب ....
و الكلام كيف الدّواء..... كان إنت استعملتو قدرالمطلوب ينفع... و كان كثّرت منّو يضرّ.. و الكلمة كيف السّهم إذا خرج من القوس ما عادش يرجع ...
- ربّ سكوت أبلغ من كلام  ، ،، والشاعر العربي قال (  نحن سكوت و الهوى يتكلّم )  و عثرة القدم... أسلم من عثرة اللسان ...هذا طبعا مع ناس تفهم ع الرّمشْ... و الحقيقة هوما شويّا .و الحرّ من غمزة أما البهيم حاشاكم من همزة ...
-  و الصّمت قالوا عليه العارفين أنّو (العلم الأصعب من علم الكلام)) ،،، يصعب أحيانا تفسيره ،، ثمّة في الدّنيا آشكون هو ديما صامت لكن يقول برشا حوايج  
كذلك الصّمت في أوقات يكون أحسن جواب لبعض الأسئلة .....خصوصا للمتطفّلين على الأمور الشّخصيّة واللي يحبّوا يعرفوا البسباس و آشكون غرسوا .
لكـــــــن نردّوا بالنا   و نميّزوا ...على خاطر الصّمت يولّي في أوقات  معيّنة حاجة سلبيّة ،،،و حاجة ضارّة ..  كيف ما وقْت تصمت على المنكرات ، كيف تصمت على الظلم ،، كيف تصمت على الحقّ ،،،و إلاّ تكتم شهادة ،،  و السّاكت على الحق – الله يعافينا – شيطان أخرس – و عقابو عند الخالق كبير ....
مستمعينا مستمعانا  ، الله يهدينا للخير و الصّلاح  و دمتم بخير ...

 ~~~~~  منجي بـــاكير ~~~~

***  الموضوع باللّهجة التونسيّة 


 كلّ لفظة أشكلت على أحبّاء الزمن الجميل 

 فضلا راسلونا

على نموذج الإتّصال الموجود


في الصفحة الرئيسيّة 


تقديري 
مرسلة بواسطة في
التسميات:

ليست هناك تعليقات:

إرسال تعليق

الاشتراك في: تعليقات الرسالة (Atom)